Жаңашыл мұғалім-2020
«Жаңашыл мұғалім – 2020»
республикалық байқауын өткізу ережесі
Мақсаты
- Мұғалімнің әлеуметтік және кәсіби оң имиджін қалыптастыру
- Педагогикалық инновацияларды қолдау және көтермелеу
- Оқытудың барлық форматын: дәстүрлі, қашықтан және аралас оқыту форматтарын жетілдіру
Байқауды өткізу тәртібі мен мерзімі
Жұмыстар 23.10.2020 – 19.12.2020 аралығында қабылданады,
Байқау шарттары
- Байқауға қатысушылардың барлығы педагог болуы тиіс
- Байқауға қатысушылардың барлығы OnlineMektep.org НЕМЕСЕ bilimland.kz, НЕМЕСЕ itest.kz, НЕМЕСЕ imektep.kz, НЕМЕСЕ twig-bilim.kz білім беру ресурстарына жазылуы тиіс.
- «Жаңашыл мұғалім 2019-2020» байқауының финалистері (Тізімді қараңыз) байқаудың бірінші кезеңіне (01.11 дейін) қатысқаны үшін электрондық Сертификаттарға ие болады және бас жүлде үшін екінші кезеңге қатыса алады. Бұл ретте бұл қатысушылар аталымын өзгерте алады.
- Байқауға қатысатын жұмыстар байқау талаптарына сай болуы тиіс. Авторлар негізінен (құрылымы мен дизайнерлік шешім) қойылған талаптарға сүйене отырып, өз шешімдерін басшылыққа алады.
- Қатысушылар байқауға жұмыстарын жолдау арқылы BilimLand компаниясына қатысушылардың суреттерін, байқауға қатысатын жұмыстарын, атап айтқанда, бейнематериалдарын OnlineMektep.org және bilimland.kz сайттарында, әлеуметтік желілерде толық немесе ішінара жариялауға келісім береді.
Байқауды ұйымдастыру
Байқауға келіп түскен жұмыстарды тәуелсіз сараптама комиссиясы бағалайды.
Жеңімпаздар диплом мен көрсетілген мөлшердегі ақшалай жүлдеге ие болады:
- «Қашықтан оқыту сабағындағы АКТ» аталымы – 500 000 (бес жүз мың теңге);
- «Дәстүрлі сабақтағы АКТ» аталымы - 500 000 (бес жүз мың теңге);
- «Тәрбие жұмысындағы АКТ» аталымы - 500 000 (бес жүз мың теңге);
- «Мектепке дейінгі білім берудегі АКТ» аталымы – 500 000 (бес жүз мың теңге).
Әр аталым бойынша үздік 10 жұмыстың авторлары Алғыс хатпен марапатталады.
Байқауға кімдер қатыса алады?
- Қазақстан азаматтары немесе ҚР аумағында жұмыс істейтін оқытушылар (педагогика саласының мамандары);
- Мектепке дейінгі, бастауыш және орта білім беру мекемелерінің (балабақша тәрбиешісі, орта мектепте, гимназияда, лицейде, колледжде сабақ беретін мұғалімдер) оқытушылары;
- Білім беру мекемелерінің сынып жетекшілері, тәлімгерлері мен тәрбиешілері.
Барлық қатысушының педагогикалық жұмыс өтілі 1 жылдан кем болмауы тиіс және әр қатысушы жұмыс орнынан берілген растайтын анықтаманың электронды нұсқасын ұсынуы тиіс (анықтама ұсынбаған қатысушылар байқауға жіберілмейді).
*Байқауға тек ҚР аумағындағы педагогтер қатыса алады.
Байқауға ұсынылатын жұмыстарға қойылатын талаптар
- сабақ, сыныптан тыс шара, оқу жұмысын өткізудегі әдістемелік сауаттылық;
- сабақ (оқу) мазмұнының міндетті түрде МЖМБС мен жаңартылған мазмұндағы оқу бағдарламасына сай болуы;
- міндетті түрде OnlineMektep.org НЕМЕСЕ bilimland.kz, НЕМЕСЕ itest.kz, НЕМЕСЕ imektep.kz, НЕМЕСЕ twig-bilim.kz білім беру ресурстарының мультимедиалық материалын (видеофильмдер, анимациялық презентациялар, мультимедиялық слайд-шоу, интерактивті жаттығулар, симуляторлар, диаграммалар, сұлбалар, жұмыс парақтары және т.б.) пайдалану;
- практикада қолдануға икемділігі;
- жұмыстың сапалы безендірілуі;
- авторлық идеяның бірегейлігі;
- авторлық құқықтың сақталуы (басқа авторлардың жұмысын толық немесе ішінара көшіруге тыйым салынады; плагиат жұмыс ұсынған қатысушылар байқаудан шеттетіледі);
- байқауда жеке адамның жұмысы бағаланатындықтан, байқауға ұсынылатын жұмыс БІР ғана авторға тиесілі болуы тиіс;
- әр қатысушы тек бір тілде, БІР ҒАНА АТАЛЫМ БОЙЫНША қатысып, байқауға БІР ғана жұмыс ұсына алады.
Байқау талаптарына сай келмейтін жұмыстар байқауға жіберілмейді.
Байқауға қатысатын жұмыстарды бағалау критерийлері
- Өзектілігі. Цифрлық ресурстарды орынды қолдану. Оларды пайдаланудың өзектілігі мен бірегейлігі, сабақтың мақсаты мен міндеттеріне сәйкестігі. Белгілі бір ресурсты таңдауды (бұл сабақта неліктен дәл осы ресурс пайдаланылғанын, қосымша материалдардың, оқу құралдары мен нысанының дәл осы үйлесімі таңдалғанын; осы ресурсты қалай қолданғанын) аргументтеу.
- Ұстаздың әдістемелік құзіреттілігі. Оқу нысанының, мазмұны мен әдіс-тәсілдерінің қойылған мақсаттар мен білім алушының жасына сай болуы, оқу құралдарын пайдаланудың нәтижелілігі. Оқу процесінде қолданылған нысандардың, әдістердің, заманауи тәсілдердің әралуандығы, жаңалығы мен бірегейлігі. Репродуктивті және проблемалық оқыту нысандарын үйлестіру, алған білімді практикада қолдану.
- Нәтижелілігі. Сабаққа қатысып отырған оқушыларды ынталандыру, олардың белсенділігі/енжарлығы, рефлексивті қызметі, оқу материалын ұғынуы.
- Көрнекілігі. Видеоның сапасы мен безендірілуі, педагогтің өзін-өзі таныстыруы, сөйлеу мәнері, сабақ беру стилі, педагог пен оқушылардың бірге жұмыс істеу жағдайы. Сұлбаларды, кестелерді, диаграммалар мен кескіндерді пайдалану.
* bilimland.kz және OnlineMektep.org ресурстар қосылмаған мектептердің мұғалімдері +7 (727) 344 95 95, +7 (707) 944 95 95 нөмірлеріне хабарласып, жеке сұраныс жасау арқылы аккаунт аштыра алады.
- Байқауды ұйымдастырушылар кез келген аталымда 2 жеңімпазға дейін таңдау құқығын өзіне қалдырады.
- Байқауға жіберілген материалдарға рецензия жазылмайды, қатысушыларға сараптамалық қорытынды берілмейді.
- Байқау шарттарына сай келетін жұмыстарды ұсынған сайыскерлерге берілетін электронды алғыс хаттар.
Байқауға жолданған жұмыстарды бағалау кезеңі: 20 – 28 желтоқсан.
Байқау қорытындысы 2020 жылдың соңына дейін OnlineMektep.org және bilimland.kz порталдарында, әлеуметтік желілерде жарияланады. Жеңімпаздарды марапаттау және дипломдар мен жүлделерді табыстау 2021 жылғы 15 қаңтарда өтеді.
Аталымдар
Форматы: онлайн
10-15 минуттық видео. Видеода мұғалім өзі жайлы, қазіргі қоғамдағы мұғалімнің рөлі туралы айтып (ең көбі 2 минут), OnlineMektep.org НЕМЕСЕ bilimland.kz, НЕМЕСЕ itest.kz, НЕМЕСЕ imektep.kz, НЕМЕСЕ twig-bilim.kz ресурстары қолданылған онлайн сабағының (синхронды формат) видеоүзіндісін көрсетуі тиіс.
Байқауға жолданған жұмыс сервистің құралдары (чат) мен материалдарын (видео, конспектілер, интерактивті жаттығулар және т.б.) белсенді түрде қолдана отырып және оқушылардың танымдық қызметін көрсете отырып, OnlineMektep.org білім беру сервисіндегі видеоконференция немесе Zoom функционалы (немесе басқа сервистер) арқылы өткізілген мектеп сабағынан (онлайн) үзінділер болуы тиіс.
Байқауға қатысатын жұмысты https://screencam.ru/download.php бағдарламасымен жазу керек.
Ол үшін:
- Бағдарламаны жүктеу;
- Бағдарламаны орнату және қолдану ережелерімен келісу;
- Сілтеме бойынша өтіп, видеода көрсетілген нұсқаулыққа сәйкес әрекет ету керек: cілтеме.
Форматы: офлайн
10-15 минуттық видео. Видеода мұғалім өзі жайлы, қазіргі қоғамдағы мұғалімнің рөлі туралы айтып (ең көбі 2 минут), OnlineMektep.org НЕМЕСЕ bilimland.kz, НЕМЕСЕ itest.kz, НЕМЕСЕ imektep.kz, НЕМЕСЕ twig-bilim.kz ресурстары қолданылған сабағының видеоүзіндісін көрсетуі тиіс.
Байқауға жолданған жұмыс оқушылардың белсенді танымдық қызметі көрінетін мектеп сабағын (офлайн) өткізу жөніндегі видеоүзінділер болуы тиіс.
Форматы: офлайн/онлайн
10–15 минуттық видео. Видеода мұғалім өзі жайлы, қазіргі қоғамдағы мұғалімнің, сынып жетекшісінің, тәрбиешінің немесе тәлімгердің рөлі туралы айтып, OnlineMektep.org НЕМЕСЕ bilimland.kz, НЕМЕСЕ itest.kz, НЕМЕСЕ imektep.kz, НЕМЕСЕ twig-bilim.kz ресурс(тар)ы қолданылған сынып сағатының немесе сыныптан тыс шараның көрнекі әрі қызық үзінділерін көрсетуі тиіс.
Байқауға жолданатын жұмыс педагог адами, отбасылық құндылықтар, патриотизм және интернет мәдениеті туралы маңызды тақырыптарды қозғай отырып өткізген сынып сағатының немесе сыныптан тыс кез келген шараның (онлайн немесе офлайн) үзінділері болуы тиіс.
Форматы: офлайн
BilimKids ресурсы немесе Youtube → Bilim Kids видеосы қолданылған, кез келген жас тобының оқу қызметін ұйымдастыру тәжірибесінің видеоүзіндісі.
Видеоның ұзақтығы – 10-15 минут. Видеода педагог өзі жайлы, мектепке дейінгі білім берудегі тәрбиешінің рөлі туралы айтып (1-2 минут), BilimKids ресурсын қолданған сабағынан үзінді көрсетуі тиіс.
Білім салаларын (денсаулық, қарым-қатынас, таным, шығармашылық, әлеумет) интеграциялаған жөн.
BilimKids ресурсының видеолары мен көрнекі материалдарын қолдану ұсынылады:
- BilimKids.kz
- Bilimland.kz → Мектепке дайындық → Қазақ тіліндегі балаларға арналған әндер
- Youtube → Bilim Kids
Бұл аталымға мемлекеттік тілде де, билингвизм компонентін іске асыра отырып, басқа тілдерде де сабақ беретін педагогтер қатыса алады.
«БАЙҚАУҒА ҚАТЫСЫП ЖАТЫРСЫЗ БА? - САБЫРҒА ШАҚЫРАМЫЗ»
«Эмоция дегеніміз - кеменің желкендерін үрлейтін жел.
Ол кемені қозғалысқа келтіре алады немесе оны суға батыруы мүмкін»
Вольтер
Эмоционалды шиеленісті жеңілдету, психикалық ахуалды реттеу әдістері
Байқау-бұл шығармашылық толқу, шабыт. Бұл тек қатты адамның өзі туралы мәлімдеме жасау мүмкіндігі ғана емес, сонымен қатар жаңалықтармен бөлісу қажеттілігі. Бұл ерекше әлем. Қарым-қатынас әлемі, бәсекелестік, сәттілік пен олжа. Байқау әрқашан толқу мен эмоциялардан тұрады. Байқаудағы сәттілік құпияларының бірі-өз толқуларыңызды жеңу. Ұсынылған әдістер мен жаттығулар сізге толқуды жеңуге көмектеседі. Релаксация әдістері дененің бұлшық еттерін босаңсытуға көмектеседі.
Релаксация қиялымдағы «Жұлдыз»
Релаксациялық ғарыштық музыка қойылады, шамдар сөнеді немесе перделер жабылады – ыңғайлы отырыңыз және көзіңізді жұмыңыз. Үш рет терең дем алып, деміңізді шығарыңыз... енді сіздің бас жағыңызда әдемі жұлдыз тұрғанын елестетіп көріңіз. Бұл сіздің жұлдызыңыз, ол Сізге тиесілі және сіздің бақытты екеніңіздің айғағы деп біліңіз. Өзіңізді осы жұлдыздың нұрымен, махаббат пен қуаныштың нұрымен жарықтандырғаныңызды елестетіп көріңіз. Енді қолыңызды алдымен жүрегіңізге, содан кейін тамағыңызға және маңдайыңызға қойыңыз. қолыңызды қойған жерлерде жарықтың жарқырағанын сезіңіз. Елестетіп көріңізші, сіз өзіңіздің жұлдызыңыз сияқты барлық бағытта айқын, жылы жарық сәулелерін шығарасыз және бұл жарық сіздің жаныңыздағы барлық адамдарға түседі. Енді өзіңізді тыңдаңыз. Сіз қандай да бір күшті сезімдерді сезінесіз бе? Бұл сезімдерді есте сақтаңыз және шаршап, жаңа күш пен өзіне деген сенімділік қажет болған жағдайда оларға жүгініңіз ал енді жұлдызбен қоштасып, қайта оралыңыз.
«5-4-3-2-1» әдісі
Бұл әдіс эмоциялық күйді шұғыл түрде жеңілдетудің тиімді әдістерінің бірі. Бұл сіздің миыңызды ғана емес, бүкіл денеңізді де осы процеске тартады. Сіз оны дауыстап та, ішіңізде де жасай аласыз.
- Айналаңызға қарап, дәл қазір көріп тұрған 5 нәрсені атаңыз.
- Оңай қол тигізуге және сезінуге болатын 4 нәрсені таңдап, атаңыз.
- Сіз еститін 3 нәрсені таңдаңыз, атаңыз
- Иісі арқылы сезінуге болатын тағы 2 нәрсені таңдаңыз.
- Дәмін татуға болатын 1 нәрсені табыңыз.
Бұл әдіс сіздің ойыңызды сергітеді және айналаңыздағы шынайы ортаға көңіліңізді бұруға көмектеседі. бірақ бірақ Мазасыздық дәрежесін тез төмендетеді және одан әрі эмоцияларыңызды қадағалауға мүмкіндік береді.
Тыныс алу жаттығулары
Терең және асықпай, толық тыныс алу стресс пен мазасыздық деңгейін төмендетуі мүмкін. Терең дем алып, дем шығару керек. Бұл жаттығуды тыныс алу қалыпқа келгенше және қалыпты дәрежеге жеткенше бірнеше рет жасаңыз. Байқау алдындағы қорқыныш пен толқудың кезінде мұндай әдіс көмектесе алады: қысқа,терең тыныс + үш қысқа, терең дем шығару. Әр түрлі нұсқаларды қолданып көріңіз және өзіңіздің «тыныс алу формуласын» табыңыз. Баяу және терең тыныс алғанда, ми әлдеқайда көп оттегін алады және парасимпатикалық жүйке жүйесінің жұмысын белсендіреді (тыныштандыру процестеріне жауап береді). Бұл жүрек соғу жиілігін төмендетеді, қысымды қалыпқа келтіреді және сізге тыныштық пен релаксация сезімін береді. Маңызды: бұл жаттығуды сізді ештеңе алаңдатпайтын тыныш ортада жасауға тырысыңыз.
