«Педагогтердің цифрлық құзыреттілігін дамыту» біліктілікті арттыру онлайн-курсынан өтуге шақырамыз!

Сіздерді «Өрлеу» біліктілікті арттыру ұлттық орталығы» акционерлік қоғамы және «Bilim Land» ұжымы арасындағы ынтымақтастық туралы меморандум шеңберінде қазақ және орыс тілдерінде «Педагогтердің цифрлық құзыреттілігін дамыту» біліктілікті арттыру онлайн-курсынан өтуге шақырамыз!

Курсты www.BilimUstaz.kz сайтының бөлімінде өту мүмкіндігі қолжетімді. Курс бағдарламасы оқу процесінің нәтижелілігін арттыру үшін педагогтердің цифрлық құзыреттілігін дамытуға бағытталған. Бағдарлама 4 модульден тұрады. Әр модульде видеосабақтар, дәрістер, презентациялар, сондай-ақ өткен материалды бекітуге арналған интерактивті тапсырмалар және тестілер берілген. Модульдер педагогтердің цифрлық білім беру ресурстары негізінде қашықтықтан оқыту форматында оқыту мен бағалауды ұйымдастыру, жобалау қызметі негізінде бірлесіп оқыту және өзара іс-қимыл жасау үшін коллаборативті ортаны қалыптастыру және цифрландыру жағдайында оқу процесін басқару бойынша практикалық дағдыларын дамытуға бағытталған.

Курсты өту үшін BilimLand платформасына бір рет тіркелу жеткілікті. Ал егер бұрын-соңды тіркелген болсаңыз (https://onlinemektep.org/ платформасында аккаунтыңыз бар болса), өз логиніңіз бен құпиясөзіңіз арқылы жүйеге кіріп, өз аккаунтыңыздан курсты өте аласыз.

«Педагогтердің цифрлық құзыреттілігін дамыту» курсын өту толықтай тегін. Ол үшін курсты таңдап, «Менің курстарыма қосу» батырмасын басу керек. Содан соң «Менің курстарым» бөліміне өтіп, «Курсты бастау» батырмасын басу керек.

Курсты аяқтағаннан кейін сіз «Қорытынды сертификаттау» бөлімінде қорытынды тесті тапсыра аласыз. Қорытынды тестілеуден сәтті өткен жағдайда сізге сертификат беріледі. Бұл сертификат жеке кабинетіңіздегі «Жетістіктер» бөлімінде қолжетімді болады.