2020 жылғы 2 наурызда «Жаңашыл мұғалім – 2020» байқауының бірінші кезеңі аяқталды.
Байқаудың бірінші кезеңін қорытындылаймыз! Биылғы жылы көптеген педагогтердің өтініштері бойынша байқаудың бірінші кезеңін аяқтау мерзімі 29 ақпаннан 2 наурызға ауыстырылды.
Бес аталым бойынша: «Сабақтағы АКТ», «Тәрбие сағатындағы АКТ», «АКТ-ны қорытынды аттестаттау және ҰБТ-ға дайындықта қолдану», «Шағын жинақты мектептегі (ШЖМ) АКТ» және осы жылдың жаңа аталымы бойынша «Мектепке дейінгі білім берудегі АКТ» барлығы 1782 жұмыс қабылданды, оның ішінде қазақ тілінде 1250, орыс тілінде 400 және ағылшын тілінде 132.
«Сабақтағы АКТ» аталымы дәстүрлі түрде жоғары танымалдылыққа ие болды, басты шарты біздің BilimLand, iTest, iMektep, Twig-Bilim, BilimKIds ресурстарымыздың кем дегенде екеуін пайдалану.
«Мектепке дейінгі білім беруде АКТ» жаңа аталымы пайда болуына байланысты, осы жылы байқауға мектепке дейінгі білім беру педагогтері белсене қатысып, балабақшалардың тәрбиешілеріне және ата-аналарға арналған BilimKids бірегей ресурсын қолдану арқылы сабақтар мен таңертеңгіліктердің қызықты әзірленімдерін жолдады.
Жылдан жылға жұмыстардың саны ғана емес, сапасы да артып келе жатқаны көңіл қуантады!
Комиссия жұмысының қорытындысы бойынша екінші кезеңге өткен қатысушылар анықталды.
Екінші кезеңге өткен қатысушылардың тізімін көру
Біз байқауға қатысқан барлық педагогтерге алғыс айтамыз, ал ақтықсынға қатысушыларды 2020 жылғы 11 наурызда басталып 24 сәуірде аяқталатын екінші кезеңге өтулерімен құттықтаймыз.
Екінші кезеңнің барлық қатысушыларына шығармашылық табыс тілей отырып, олардың ерекше және бірегей жұмыстарын күтеміз!
bilimland.kz сайтындағы және біздің әлеуметтік желідегі парақшалардағы жаңалықтарды назарда ұстаңыздар.
