2019 жылы 11 желтоқсанда шығармашыл әрі жаңашыл ұстаздарға арналған республикалық «Жаңашыл мұғалім-2020» байқауы басталады. Байқаудың мақсаты – білім беру саласында ақпараттық-коммуникациялық технологияларды дамытып, қолданысқа енгізіп жүрген мұғалімдерге қолдау көрсету және олардың әлеуметтік және кәсіби беделін қалыптастыру. Байқаудың басты шарты – оқытуда ақпараттық-коммуникациялық технологияларды (АКТ) тиімді пайдалану, мұғалімнің шығармашылық әлеуетін дамыту және білім беру мен тәрбиелеуде BilimLand ресурстарын ұтымды қолдана білу.
Байқаудың жүлде қоры – 2 500 000 теңге.
Байқау 2015 жылдан бері өткізіліп келеді. Байқауға бастауыш және орта білім беретін, сондай-ақ арнайы орта білім беретін оқу орындарының оқытушылары қатысады.
Биылғы жылы балабақша мен мектепке дейінгі білім беретін ұйымдардың тәрбиешілеріне жаңа аталым бойынша байқауға қатысуға мүмкіндік берілді.
Байқау 2 кезеңнен тұрады және 5 аталым бойынша өтеді:
- Сабақтағы ақпараттық-коммуникациялық технология;
- Тәрбие сағатындағы ақпараттық-коммуникациялық технология;
- Ақпараттық-коммуникациялық технологияны қорытынды аттестаттау мен ҰБТ-ға дайындықта қолдану;
- Шағын жинақты мектептегі (ШЖМ) ақпараттық-коммуникациялық технология;
- Мектепке дейінгі білім берудегі ақпараттық-коммуникациялық технология.
Жеңімпаздар оқу жылының аяқталуына арналған салтанатты жиында ресми түрде марапатталады, сондай-ақ олардың аты-жөндері сайттағы (bilimland.kz) блогымызда жарияланады.
Bilimland.kz білім беру платформасын белсенді пайдаланатын білім және тәрбие беру мекемелерінің барша қызметкерін байқауға қатысуға шақырамыз!
Байқау туралы жаңалықтарды bilimland.kz сайтынан және әлеуметтік желідегі парақшаларымыздан (vk, facebook, instagram) оқи аласыздар.
