Twig-Bilim.kz - әлемге танымал білім беруші бірегей онлайн ресурс. Бұл – британдық Twig білім беру компаниясының инновациялық платформасы, 50-ден астам елде, 13 тілге аударылған. Twig білім беру компаниясының бұл платформасы 2012-2015 жылдары өткен Дүниежүзілік BETT білім беру технологиялары көрмесінде ең үздік оқытушы ресурс ретінде танылған.
Бұл білім беруші кешен физика, математика, химия, биология және география пәндері бойынша 2000-нан астам қысқа фильмдерден тұрады. Қазақстандық оқушылар мен мұғалімдерге қазақ, орыс және ағылшын тілдерінде қолжетімді.
Twig-Bilim фильмдері оқу пәні сабақтарын өте тиімді түрде ұғындыру және тәжірибе жүзінде көрсету үшін шынайы өмір жағдайларымен ұштастыра ұсынады. Аталған ресурс сабақ беруде жаратылыстану пәндерін қоғамдық пәндермен пәнаралық байланыста оқытуға мүмкіндік береді.
Сондай-ақ Twig-Bilim видеокешені ағылшын тілін шет тілі, қазақ және орыс тілдерін екінші тіл ретінде оқып үйренуге зор ықпалын тигізеді.
Байқау жеңімпаздары Twig-Bilim ресурсының осы мүмкіндіктерін кәсіби үлгіде тиімді пайдалана білген. Біз бүгін блогымыз арқылы осындай сабақтардың үзінділерін жариялап отырмыз.
Жаңашыл мұғалімдердің байқау жұмыстары арқылы Twig-Bilim-нің бай кешенін пайдаланып, мұғалімнің білім беру үрдісін қызықты да тартымды, сан қилы түрлендіріп, пәнаралық байланысты берік құрылымдап, оқушылармен жалпы, топтық және жеке жұмыс істеуіне мүмкіндігі боларын байқау қиын емес.
Татьяна Альбертовна Сарсенова
BilimLand.kz онлайн ресурстарының үйлестірушісі
