Бүгінгі мұғалім үшін АКТ – технология және ақпараттың қарқынды дамуы кезеңінде баланың тілдік, танымдық коммуникативтік қабілетін дамытуға, мотивациясын арттыруға мүмкіндік беретін, сондай-ақ оқушыларға сабақты тиімді де, заманауи үлгіде қызықты да тартымды етіп өткізудің, сабақ сапасын арттырудың құралы.
Дегенмен көптеген мұғалімдер үшін осындай ресурстарды табу, оқушылар деңгейі мен қызығушылығына, оқыту стандарты талаптарына сәйкес таңдау жасау, пайдалану жолдары әліге дейін басы ашық мәселе ретінде қалып отыр. Аталған факторлар оқытуға арналған BilimLand.kz әмбебап платформасын жасау барысында толықтай ескерілген. BilimLand.kz – қажетті оқыту материалдарын бір жерге жинақтаған кешен; үштілді бірегей білім беру ресурсы мұғалімдерге оқыту үдерісіне дайындық барысында уақыт үнемдеуге үлкен көмек көрсетеді.
Сайт, сонымен қатар, өтілген тақырыпты пысықтау, бекіту, қорыту және тексеру үшін оқыту ресурстарын түрлі үлгіде түрлендіріп, жинақтауға мүмкіндік береді.
«Жаңашыл мұғалім» байқауы жеңімпаздарының жұмыстары жоғарыда айтылған жайттардың жарқын мысалы бола алады. BilimLand.kz сайты онлайн ресурстарын сабақта қолдану бойынша байқау осы жылдың 10 наурызы мен 10 сәуірі аралығында өткізіліп, қорытындысы 20 сәуірде жарияланған болатын.
Бүгін біз блогымыз арқылы білім беру ресурстары құрамдастыра пайдаланылып, өзгеше бір шешімге ие болған бірегей сабақ үлгілерін ұсынамыз.
Жаңашыл мұғалімдер өз жұмыстарымен сабақта ақпараттық технологияларды қолдану өзектілігін білдіріп, оқыту үдерісін ұйымдастыру барысында BilimLand.kz сайты ресурстарын түрліше түрлендіру мүмкіндіктерін көрсетіп, жоғары кәсібилік пен шығармашылық тәсілдерін танытады.
Татьяна Альбертовна Сарсенова
BilimLand.kz онлайн ресурстарының координаторы
