Жаңашыл мұғалім–2018
Мақсаты:
- мұғалімнің әлеуметтік және кәсіптік беделін көтеру;
- педагогикалық инновацияларға қолдау көрсету;
- цифрлық технологиялар қолданылған педагогикалық іс-тәжірибелерді жинақтау және тарату.
Байқауды өткізудің тәртібі мен мерзімі
Байқау екі кезеңнен тұрады:
1-кезең: 04.12.2017 – 28.01.2018
2-кезең: 19.02.2018 – 22.04.2018
Байқау шарттары:
- Қатысушылар міндетті түрде білім беруші bilimland.kz, itest.kz, imektep.kz, twig-bilim.kz ресурстарына жазылулары шарт;
- Байқау жұмыстары байқау талаптарына сәйкес болуы шарт. Жұмыстың құрылымы мен безендіруін автор өз мақсатына лайықтап, өзіндік шешіммен үйлестіруіне болады;
- Байқаудың 1-кезеңінен өтпеген қатысушылар 2-кезеңге жіберілмейді;
- Қатысушылар байқауға жұмыс жолдау арқылы BMG компаниясына сабақ жоспарларын, атап айтқанда, электрондық мәтіндік және видео материалдарды BilimLand.kz сайтында және әлеуметтік желілердегі bilimland парақшаларында жариялауға рұқсат береді.
Байқауды ұйымдастыру кеңесі
Байқау жұмыстарын тәуелсіз сараптама комиссиясы бағалайды.
Байқау жеңімпаздары дипломдармен марапатталып, ақшалай сыйлыққа ие болады:
«Сабақтағы ақпараттық-коммуникациялық технологиялар» аталымы – 500 000 (бес жүз мың теңге);
«Тәрбие сағатындағы ақпараттық-коммуникациялық технологиялар» аталымы – 500 000 (бес жүз мың теңге);
«Ақпараттық-коммуникациялық технологияларды қорытынды аттестаттау немесе ҰБТ-ға дайындықта қолдану» аталымы – 500 000 (бес жүз мың теңге);
«Шағын жинақты мектептегі (ШЖМ) ақпараттық-коммуникациялық технологиялар» аталымы – 500 000 (бес жүз мың теңге).
Байқау ұйымдастырушылары байқаудың 2-кезеңіне өткен және екінші кезеңге сапалы, талаптарға сай келетін жұмыс жолдаған қатысушыларға алғыс хат табыстайды.
Байқау қорытындысы www.bilimland.kz порталында және әлеуметтік желілердегі bilimland парақшаларында 25 мамырда жарияланады.
Жеңімпаздарды марапаттау және дипломдар мен сыйлықтар табыстау рәсімі 25 мамырда өткізіледі.
Байқау қатысушыларына қойылатын талаптар
Байқауға қатыса алады:
1. Бастауыш және орта білім беру мекемелері (орта мектеп, гимназия және лицей) оқытушылары;
2. Білім беру мекемелеріндегі сынып жетекшілері, тәлімгерлер, тәрбиешілер.
Қатысушылардың білім беру саласындағы еңбек өтілі 3 жылдан кем болмауы керек және әрбір қатысушы жұмыс орнынан берілген анықтаманың электронды нұсқасын ұсынуы тиіс (байқауға анықтамасыз қатыстырылмайды).
*Байқау ҚР аумағында ғана жүргізіледі.
Байқау жұмыстарына қойылатын талаптар:
- сабақ және сынып/сыныптан тыс сағаттардың жоспарлары әдістемелік сауатты болуы тиіс;
- сабақ және сынып/сыныптан тыс сағаттары жоспарына міндетті түрде www.bilimland.kz, www.itest.kz, www.imektep.kz, www.twig-bilim.kz ресурстарының мультимедиялық материалдары (видеофильмдер, анимациялар, мультимедиялық слайд-шоу, интерактивті жаттығулар, симуляторлар, диаграммалар, сызбалар, жұмыс парақтары және т.б.) кіріктірілуі тиіс;
- тәжірибеде қолданылуына мән берілуі тиіс;
- жұмыс сапалы безендірілуі тиіс;
- авторлық идея бірегей болуы тиіс;
- авторлық құқық сақталуы (басқа авторлардың жұмысын толық немесе жартылай көшіріп алу «плагиат» болып саналады, бұл қатысушылар байқаудан шеттетіледі) тиіс.
*Білім беру ресурстарына оффлайн құрылғы арқылы қосылған мектеп мұғалімдері +7 (727) 344 95 95, +7 (707) 944 95 95 нөмірлеріне хабарласып, сұраныс жасау арқылы жеке аккаунт аштыра алады.
Байқау кезеңдері
1-кезең: байқауға жіберілген сабақта мұғалім АКТ-ның негізгі құралы ретінде сабақтың барлық кезеңінде (жаңа сабаққа дайындық, өткен материалды бекіту, практикалық жұмыс, білімін тексеру) bilimland.kz, itest.kz, imektep.kz, twig-bilim.kz ресурстарын қолдануы тиіс. Сабақ жоспары Word форматында қабылданады.
Шарты: міндетті түрде бірнеше материал түрін қолдану (мәтін, видео, жаттығу, симулятор және т.б.).
2-кезең: 10-15 минуттан аспайтын сабақ үзіндісінің видеосын жіберу. Видеода мұғалім өзі және қазіргі қоғамдағы мұғалімнің орны туралы айтып (максимум 2 минут), bilimland.kz, itest.kz, imektep.kz, twig-bilim.kz ресурстарын қолданған сабақ үзіндісін көрсетуі тиіс.
Шарты: Егер 2-кезеңге жіберілген видео 1-кезеңге жіберілген сабақ жоспарынан өзгеше болса, онда видеодағы сабақтың Word форматындағы жоспары қоса жолдануы тиіс.
1-кезең: twig-bilim.kz ресурсын пайдаланып өткізген сынып сағаты немесе сыныптан тыс шараның Word форматындағы сабақ жоспары жолдануы тиіс. Сабақта оқыту мен тәрбие жұмысындағы интеграция көрініс табуы керек.
Шарты: байқауға жіберілген сынып сағаты немесе сыныптан тыс шарада twig-bilim.kz ресурсының материалдары жан-жақты қолданылғаны толық көрінуі тиіс.
2-кезең: 10-15 минуттан аспайтын сабақ үзіндісінің видеосын жіберу. Видеода мұғалім өзі және қазіргі қоғамдағы мұғалімнің, сынып жетекшісінің, тәрбиешінің, тәлімгердің орны туралы айтып (максимум 2 минут), twig-bilim.kz ресурсын қолданған сынып сағатының немесе сыныптан тыс шараның үзіндісін көрсетуі тиіс (Сондай-ақ twig-bilim.kz-тегі қосымша оқу материалын қолдануға болады).
Шарты: Егер 2-кезеңге жіберілген видео 1-кезеңге жіберілген сабақ жоспарынан өзгеше болса, онда видеодағы сабақтың Word форматындағы жоспары қоса жолдануы тиіс.
1-кезең: itest.kz, bilimland.kz, twig-bilim.kz ресурстары қолданылып, қорытынды аттестаттау және ҰБТ-ға дайындық ретінде өткізілген сабақтың Word форматындағы сабақ жоспарын жолдау.
Шарты: байқауға қорытынды аттестаттау және ҰБТ-ға дайындауда itest.kz, bilimland.kz, twig-bilim.kz ресурстары қолданылған, әртүрлі жұмыс формалары мен түрлері көрсетілген сабақ жоспары ұсынылуы тиіс.
2-кезең: 10-15 минуттан аспайтын сабақ үзіндісінің видеосын жіберу. Видеода мұғалім өзі және қорытынды аттестаттау мен ҰБТ-ға дайындық кезіндегі мұғалімнің орны туралы айтып (максимум 2 минут), ары қарай itest.kz, bilimland.kz, twig-bilim.kz ресурстарын қолданып қорытынды аттестаттау мен ҰБТ-ға дайындық түрінде өткізген сабақтың үзіндісі болуы керек.
Шарты: Егер 2-кезеңге жіберілген видео 1-кезеңге жіберілген сабақ жоспарынан өзгеше болса, онда видеодағы сабақтың Word форматындағы жоспары қоса жолдануы тиіс.
1-кезең: ШЖМ жағдайында сыныптарды біріктіріп өткізген сабақтың толық жоспары жолдануы керек. Сабақтың барлық кезеңінде (жаңа сабаққа дайындық, өткен материалды бекіту, практикалық жұмыс, білімін тексеру) bilimland.kz, itest.kz, imektep.kz, twig-bilim.kz ресурстары қолданылуы тиіс. Сабақ жоспары Word форматында қабылданады.
Шарты: Біріктірілген сыныпта өткізілген сабақта bilimland.kz, itest.kz, imektep.kz, twig-bilim.kz ресурстары сабақтың барлық кезеңінде қолданылуы тиіс.
2-кезең: 10-15 минуттан аспайтын сабақ үзіндісінің видеосын жіберу. Видеода мұғалім өзі және шағын жинақты мектептегі мұғалімнің орны туралы айтып (максимум 2 минут), біріктірілген сыныпта bilimland.kz, itest.kz, imektep.kz, twig-bilim.kz ресурстарын қолданған сабақ үзіндісін көрсетуі тиіс.
Шарты: Егер 2-кезеңге жіберілген видео 1-кезеңге жіберілген сабақ жоспарынан өзгеше болса, онда видеодағы сабақтың Word форматындағы жоспары қоса жолдануы тиіс.
«БАЙҚАУҒА ҚАТЫСЫП ЖАТЫРСЫЗ БА? - САБЫРҒА ШАҚЫРАМЫЗ»
«Эмоция дегеніміз - кеменің желкендерін үрлейтін жел.
Ол кемені қозғалысқа келтіре алады немесе оны суға батыруы мүмкін»
Вольтер
Эмоционалды шиеленісті жеңілдету, психикалық ахуалды реттеу әдістері
Байқау-бұл шығармашылық толқу, шабыт. Бұл тек қатты адамның өзі туралы мәлімдеме жасау мүмкіндігі ғана емес, сонымен қатар жаңалықтармен бөлісу қажеттілігі. Бұл ерекше әлем. Қарым-қатынас әлемі, бәсекелестік, сәттілік пен олжа. Байқау әрқашан толқу мен эмоциялардан тұрады. Байқаудағы сәттілік құпияларының бірі-өз толқуларыңызды жеңу. Ұсынылған әдістер мен жаттығулар сізге толқуды жеңуге көмектеседі. Релаксация әдістері дененің бұлшық еттерін босаңсытуға көмектеседі.
Релаксация қиялымдағы «Жұлдыз»
Релаксациялық ғарыштық музыка қойылады, шамдар сөнеді немесе перделер жабылады – ыңғайлы отырыңыз және көзіңізді жұмыңыз. Үш рет терең дем алып, деміңізді шығарыңыз... енді сіздің бас жағыңызда әдемі жұлдыз тұрғанын елестетіп көріңіз. Бұл сіздің жұлдызыңыз, ол Сізге тиесілі және сіздің бақытты екеніңіздің айғағы деп біліңіз. Өзіңізді осы жұлдыздың нұрымен, махаббат пен қуаныштың нұрымен жарықтандырғаныңызды елестетіп көріңіз. Енді қолыңызды алдымен жүрегіңізге, содан кейін тамағыңызға және маңдайыңызға қойыңыз. қолыңызды қойған жерлерде жарықтың жарқырағанын сезіңіз. Елестетіп көріңізші, сіз өзіңіздің жұлдызыңыз сияқты барлық бағытта айқын, жылы жарық сәулелерін шығарасыз және бұл жарық сіздің жаныңыздағы барлық адамдарға түседі. Енді өзіңізді тыңдаңыз. Сіз қандай да бір күшті сезімдерді сезінесіз бе? Бұл сезімдерді есте сақтаңыз және шаршап, жаңа күш пен өзіне деген сенімділік қажет болған жағдайда оларға жүгініңіз ал енді жұлдызбен қоштасып, қайта оралыңыз.
«5-4-3-2-1» әдісі
Бұл әдіс эмоциялық күйді шұғыл түрде жеңілдетудің тиімді әдістерінің бірі. Бұл сіздің миыңызды ғана емес, бүкіл денеңізді де осы процеске тартады. Сіз оны дауыстап та, ішіңізде де жасай аласыз.
- Айналаңызға қарап, дәл қазір көріп тұрған 5 нәрсені атаңыз.
- Оңай қол тигізуге және сезінуге болатын 4 нәрсені таңдап, атаңыз.
- Сіз еститін 3 нәрсені таңдаңыз, атаңыз
- Иісі арқылы сезінуге болатын тағы 2 нәрсені таңдаңыз.
- Дәмін татуға болатын 1 нәрсені табыңыз.
Бұл әдіс сіздің ойыңызды сергітеді және айналаңыздағы шынайы ортаға көңіліңізді бұруға көмектеседі. бірақ бірақ Мазасыздық дәрежесін тез төмендетеді және одан әрі эмоцияларыңызды қадағалауға мүмкіндік береді.
Тыныс алу жаттығулары
Терең және асықпай, толық тыныс алу стресс пен мазасыздық деңгейін төмендетуі мүмкін. Терең дем алып, дем шығару керек. Бұл жаттығуды тыныс алу қалыпқа келгенше және қалыпты дәрежеге жеткенше бірнеше рет жасаңыз. Байқау алдындағы қорқыныш пен толқудың кезінде мұндай әдіс көмектесе алады: қысқа,терең тыныс + үш қысқа, терең дем шығару. Әр түрлі нұсқаларды қолданып көріңіз және өзіңіздің «тыныс алу формуласын» табыңыз. Баяу және терең тыныс алғанда, ми әлдеқайда көп оттегін алады және парасимпатикалық жүйке жүйесінің жұмысын белсендіреді (тыныштандыру процестеріне жауап береді). Бұл жүрек соғу жиілігін төмендетеді, қысымды қалыпқа келтіреді және сізге тыныштық пен релаксация сезімін береді. Маңызды: бұл жаттығуды сізді ештеңе алаңдатпайтын тыныш ортада жасауға тырысыңыз.
