Қазақстан тарихы

Сен қызыққа толы ежелгі тарих әлемінің қойнауында жүргендей әсер алып, алғашқы адамдардың дамуы жөнінде мағлұмат аласың, сондай-ақ олардың еңбек құралдары мен аң аулау әдістерімен таныс боласың. Теңдесі жоқ жәдігерлер «Алтын адам» мен «Патша қорғандары», көшпенділер мәдениеті арқылы өз ата-бабаларымыз туралы тың деректерді білесің. Томирис патшайымның ерлігіне тәнті болып, Шырақ сарбаздың батырлығына көз жеткізесің. Жарты дүниені дүр сілкіндірген Мөде мен Аттиланың қолбасшылық өнеріне қызыға қарап әрі олардың қарапайымдылығынан үлгі аласың. Киелі қазақ даласында өмір сүрген көшпелі тайпалар – сақ, үйсін, қаңлы, ғұн, сарматтардың қоғамы, мәдениеті және өнерімен танысасың. Ұлтымыздың төл тарихынан сыр шертетін танымы мен тағлымы мол бейнежазбалардан құнды да қызықты мағлұматтар аласың.