Дүниетану. Тарих компоненті

Үшінші сыныпта тәуелсіз мемлекет тақырыбы одан ары жалғасады. Бұл сыныпта Қазақстан Республикасының Конституциясын тереңірек меңгеріп, азаматтардың құқығы мен бостандығы жайлы білесің. Қазақ хандығының негізін салған Жәнібек пен Керей хандардың, Отаны үшін жанын қиып, есімдері ел есінде мәңгі қалған батырлардың жаугершілік заманына кері шегініп, өз еліңнің тарихына тереңірек бойлайсың. Қазақстанның тарихи және мәдени ескерткіштерін зерделеп, «Қозы Көрпеш-Баян сұлу» поэмасымен танысасың. «Қазақстан Республикасының бейресми символдары» деген тақырыпқа келгенде жас астанамыздың символы болған «Бәйтерек» монументі мен тәуелсіз Қазақстанның бетке ұстар өзге де көрнекі орындары туралы мол ақпарат аласың.