XIX Президенттік олимпиаданың бірінші кезеңі өтуде

Еліміздің өңірлерінде жаратылыстану-математикалық бағыттағы пәндер бойынша XIX Президенттік олимпиаданың бірінші кезеңі өтуде.Олимпиадаға республикалық және халықаралық пәндік олимпиадаларға бұрын қатыспаған 11 (12)-сынып оқушылары қатысады. Биыл бірінші кезеңде лицейлер, гимназиялар және дарынды балаларға арналған мамандандырылған мектептердің 3 626 оқушысы бақ сынауда.Президенттік олимпиада үш кезеңнен тұрады:▫️ бірінші кезең - өңірлік;▫️ екінші кезең - іріктеу;▫️ үшінші кезең - республикалық.Қатысушылар олимпиаданың барлық кезеңінде математика, физика, химия және биология пәндері бойынша тапсырмалар орындайды.Өңірлік кезеңнің қорытындысы бойынша іріктеу кезеңіне облыстардан, Астана, Алматы және Шымкент қалаларынан, сондай-ақ «НЗМ» ДББҰ-дан 20 оқушыға дейін, республикалық білім беру ұйымдарынан 8 оқушыға дейін қатысуға мүмкіндік алады.