Оқу-ағарту министрі Жұлдыз Сүлейменова Sinovation Ventures және 01.ai компанияларының бас атқарушы директоры Ли Кай-Фумен кездесті

Кездесу Мемлекет басшысы Қасым-Жомарт Кемелұлы Тоқаевтың «Қазақстан Республикасының орта білім беру жүйесіне жасанды интеллектіні ендіру жөніндегі шаралар туралы» Жарлығын іске асыру аясында өткізілді. Қазіргі уақытта Жарлықта айқындалған міндеттерді орындау бойынша жүйелі жұмыс жүргізілуде.Тараптар жасанды интеллектіні орта білім беру жүйесіне енгізудің практикалық тетіктерін, педагогтердің цифрлық құзыреттілігін дамыту, ауылдық және шағын жинақты мектептерді қолдау, сондай-ақ ЖИ технологияларын білім беру үдерісінде қауіпсіз әрі жауапты пайдалану мәселелерін талқылады.Осы бағыттағы практикалық қадамдардың бірі ретінде Оқу-ағарту министрлігінің «Өрлеу» біліктілікті арттыру ұлттық орталығы мен Q.AI Limited компаниясы ынтымақтастық туралы меморандумға қол қойды. Құжатқа «Өрлеу» біліктілікті арттыру ұлттық орталығының Басқарма төрағасы Ғалымжан Алматов пен Q.AI Limited компаниясының Бас атқарушы директоры Дмитрий Мун қол қойды.Ынтымақтастық 2026-2029 жылдарға арналған орта білім беру жүйесіне жасанды интеллектіні кеңінен енгізу жөніндегі Кешенді шаралар жоспарын іске асыруға бағытталған. Негізгі назар ауылдық және шағын жинақты мектептерге, педагогтердің цифрлық құзыреттілігін арттыруға және ЖИ технологияларын қауіпсіз әрі жауапты пайдалануға аударылады.Сонымен қатар Ұлттық білім беру ЖИ-платформасының пилоттық жобасын дамыту көзделген. Платформа оқытуды дербестендіруге, педагогтер мен білім алушыларды цифрлық қолдауға, білім нәтижелерін мониторингтеуге және білім беру жүйесін талдамалық сүйемелдеуге бағытталады.Жасанды интеллектіні білім беру жүйесіне енгізудегі басты қағидат - технология мұғалімді алмастырмай, оның кәсіби мүмкіндіктерін кеңейтуі тиіс. ЖИ педагогтің жұмысын қолдап, әр оқушының қажеттілігіне сай сапалы білім беруге қосымша мүмкіндік беретін құрал ретінде қарастырылады.