2019 жылғы 28 ақпанда ҚР Білім және ғылым министрінің қатысуымен 2018 жылғы «Жоғары оқу орнының үздік оқытушысы» атағының иегерлерін марапаттау рәсімі өтеді.
Жыл сайын өткізілетін «Жоғары оқу орнының үздік оқытушысы» атағын беру конкурсына республикамыздың 80 жоғары оқу орнынан 481 үміткер қатысты.
Еліміздің 43 жоғары оқу орнынан 200 адам «Жоғары оқу орнының үздік оқытушысы» атағының иегері болды.
«Жоғары оқу орнының үздік оқытушысы» атағы иегерлерінің құрамына 36 - ғылым докторы, 133 - ғылым кандидаты, 29 - PhD докторы, 2 - магистрант ұсынылды.
Байқауға қатысқан оқытушылардың ғылыми-педагогикалық қызметі сапалық және сандық көрсеткіштері бойынша бағаланды. Оның ішінде, оқулықтарды, монографияларды, оқу құралдарын ағылшын тілінде әзірлеу, қатысу және басып шығару; кәсіби қызметі бойынша шет тіліндегі жаппай ашық онлайн курстардың платформасы базасында курстан табысты өткені туралы сертификаттың бар болуы және т.б.
Аталған грант жоғары оқу орындарының оқытушыларына ғылыми-зерттеу жұмыстарын жүргізу үшін және біліктіліктерін арттыруға әлемнің жетекші университеттерінде тағылымдамадан өтуге мүмкіндік береді.
Дереккөз: edu.gov.kz