OnlineMektep платформасының қолданушылары үшін керемет жаңалық — енді платформада оқыту процесін жүзеге асырып қана қоймай, қосымша BilimBonus-тарды жинай отырып, қолданушы өз BilimLevel көрсеткішін жоғарлата алады. Мұғалімдер мен оқушыларды қолдау және ынталандыру мақсатында әзірленген функционал ең белсенді қолданушыларға бағалы жүлделерді жеңіп алуға мүмкіндік береді.
BilimBonus-тар қалай жиналады?
- Мұғалімдер үшін:
OnlineMektep платформасында өткізілген сабақтарды оқушылардың толық орындауы аса маңызды. OnlineMektep-тегі BilimLand ұсынған дайын сабақтар, үй тапсырмалары, интерактивті сабақтар, БЖБ/ТЖБ тапсырмаларын оқушылар орындағаннан соң, мұғалім оқушының жұмысын бағалауы қажет. Сыныпта қанша оқушы белсенді түрде сабақтарды толықтай өтеді, сәйкесінше мұғалімнің BilimBonus-ы да арта түседі. Егер жоғарыда көрсетілген әрекеттер алгоритмі толық орындалатын болса, мұғалімнің қоржынына да BilimBonus-тар көбірек түсетін болады.
- Оқушылар үшін:
OnlineMektep-тегі BilimLand ұсынған дайын сабақтар, үй тапсырмалары, интерактивті сабақтар, БЖБ/ТЖБ тапсырмаларын күнделікті уақытылы орындағаннан кейінгі нәтижелері негізінде BilimBonus қоржыны да жинақтала береді.
Барлығына ортақ басты шарт - күнделікті сабақтарды өткізу және өту маңыздылығын ұмытпау.
BilimBonus-тар мен BilimLevel-ді қайдан көруге болады?
Кез келген қолданушы өзінің жеке кабинетіне кіріп, қай деңгейде және қанша BilimBonus жиналғанын тексере алады.
Сонымен қатар, алдағы уақытта BilimBonus және BilimLevel бойынша тұрақты хабарламалар келіп отыратын функционалды енгізу жоспарлануда. Яғни, сіз әр BilimBonus-тың не үшін берілгенін бақылай аласыз.
Естеріңізге сала кетейік, жоғарыда аталған алғышарттарды орындап, ең белсенді атанған қолданушылар бағалы жүлделерді жеңіп ала алады. Толығырақ ақпаратты алдағы уақытта OnlineMektep платформасында және әлеуметтік желідегі ресми парақшаларымызда жариялайтын боламыз.