Екі айға созылатын байқаудың екінші кезеңіне өткен қатысушылар 10-15 минуттан аспайтын сабақ үзіндісінің видеосын жіберулері қажет. Бірінші кезеңдегі жұмыстарға қойылған талаптар екінші кезеңде де сақталады және мұғалімнің сабақтың барлық кезеңінде bilimland.kz ресурстарын тиімді пайдаланып, сабақты мазмұнды әрі қызықты өткізуі, шығармашылық ізденісі, оқытудың түрлі әдіс-тәсілдерін қолданудағы жаңашылдығы сынға түседі. Егер видео 1-кезеңге жіберілген сабақ жоспары бойынша түсірілмесе, онда видеосабақтың Word форматындағы сабақ жоспары қоса жолдануы тиіс. Тағы бір ескертетініміз, байқаудың бірінші кезеңіндегі аталымды екінші кезеңде өзгертуге болмайды.
Екінші кезеңге өткен және екінші кезеңге байқау талаптарына сай келетін жұмыс жолдаған қатысушыларға Bilim Media Group компаниясы алғыс хат табыстайды.
Байқаудың екінші кезеңіне өткен қатысушылардың жұмыстарын күтеміз. Олай болса, құрметті ұстаздар, іске сәт! Сіздерден сапалы да салмақты жұмыстар күтеміз!
