2020 жылдың 21 тамызынан бастап 21 қыркүйек аралығында өтетін «OnlineMektep2020» республикалық әлеуметтік-білім беру байқауы жалғасуда. Бұл Қазақстанның барлық OnlineMektep платформасына қосылған кез келген мектебіне 3 BilimBook ұтып алу үшін ерекше мүмкіндік.
3 BilimBook ноутбуктарынан бөлек, байқау барысында үздік қатысушылар арасында бағалы сыйлықтар ойнатылады!
Байқаудың негізгі мақсаттары:
Жаңа 2020-2021 оқу жылы қарсаңында OnlineMektep порталында қашықтан оқитын барлық оқушылар мен олардың ата-аналарын, қашықтан білім беретін ұстаздарды қолдау және ынталандыру;
#OnlineMektep2020 хэштегін қолдана отырып, ұстаздар меноқушылардың жаңа оқу жылында жақсы нәтижелер көрсетуіне қолдау білдіру;
Елдегі пандемия жағдайына қарамастан, қашықтан оқытудың ең үздік құралы - OnlineMektep порталының жұмысы мен қызметтерімен толықтай танысу және қолданысын арттыру.
Байқау Bilim Media Group компаниясының ұйымдастыруымен және демеушілігімен өтуде.
Қатысу толығымен тегін!
Байқауға қатысу үшін:
OnlineMektep порталында білім алатын кез келген оқушы және ата-ана видео түсіреді;
Видеоны жаңа оқу жылында қашықтан оқытудың ең үздік құралы OnlineMektep порталында білім алатын оқушылар мен білім беретін ұстаздарды қолдау және ынталандыру мақсатында түсіру қажет;
Ата-ана өзінің әлеуметтік желідегі парақшасына #OnlineMektep2020 хэштегін және @bilimland.kz аккаунтын белгілей отыра, видеоны салады;
Баласының оқитын мектеп атауын міндетті түрде жазу қажет;
Видео челленджін келесі ата-анаға жолдайды.
Жеңімпаздарды анықтау:
Байқауда ҚР кез келген 3 мектебі жеңімпаз атанады, жеңімпаздар келесі 3 критерий бойынша анықталады:
Ең көп видео жариялаған қатысушылары бар мектеп;
Ең креативті видео жариялаған ата-ананың баласы оқитын мектеп;
Instagram әлеуметтік желісінде кездейсоқ таңдау арқылы.
Жеңімпаздарды марапаттау:
Байқаудың нәтижелері 2020 жылдың 25 қыркүйегінде @bilimland.kz Instagram парақшасында тікелей эфирде жарияланады.
Барлықтарыңызға сәттілік тілейміз!