Сен не ішесің?

п(МК, Ұ) Алдыңғы оқумен байланыстырып, «Мейрамханада» тақырыбында рөлдік ойын ойнатылады. 1 оқушы – Даяшы Басқалары – қонақ Диалог арқылы ойнатылады. «Ас мәзірінде» берілген сөздер арқылы жаңа тақырып ашылады. «Сен не ішесің?» тақырыбынан таныс емес әріпті таңдау арқылы жаңа әріппен танысады. Дыбысталуын тыңдайды, жазылуын көреді. Мұғалімнің көмегімен алдымен дыбыстайды, ауада жазады. Дауыссыз дыбыс екені, сөздің ортасында немесе соңында кездесетіні айтылады. Мұғалім ң дыбысы дауыссыз дыбыс болғандықтан, оқулықта көк түспен берілгенін түсіндіреді және ң дыбысы кездесетін сөздер қатарын суреті бойынша үйретеді. Сондай-ақ мұғалім оқушыларға ң дыбысы кездесетін есімдер туралы да ақпарат береді (Аңсар, Таңшолпан т.б.). «Есте сақта!» айдары бойынша оқушылар сұрақтарды қайталайды (кім? не? неше? қандай?), мұғалім һ дыбысы кездесетін сөздерге қандай сұрақтар қойылатынын түсіндіреді. Мысалы: бәтеңке(не?), шаңғы (не?), қоңырау(не?), Аңсар (кім?), қоңыр(қандай?). Мұғалім оқушылардың назарын экрандағы суретке аударады. Суретте берілген не? Деген сұраққа жауап беріледі. Су – тіршілік көзі екені айтылып, онсыз өмір сүру мүмкін емес екені түсіндіріледі. Оны түрлі жағдайда қолданатынымызды айта отырып, сөздікпен жұмыс жүргізіледі. 1 – тапсырма. Мәтінді тыңдау. Сұрақтарға жауап беру. 2-тапсырма. Сөздерді оқу және сәйкес сөздермен байланыстыру. Сергіту сәті Ал, балалар тұрайық, мойнымызды бұрайық, Қолымызды созайық, су ішінде қалықтап, Қане, жүзіп алайық, Оңға бір, солға бір қарап, денемізді бұрайық. Дем алайық, тұрайық, Сусын ішіп алайық! 3-тапсырма. Берілген сурет бойынша әңгімелеу. Сұрақтарға жауап беру.