«Балдәурен» Республикалық оқу-сауықтыру орталығының бас директоры тағайындалды

Қазақстан Республикасы Оқу-ағарту министрінің бұйрығымен Оразалин Шоқан Жетпісбайұлы «Балдәурен» Республикалық оқу-сауықтыру орталығының бас директоры болып тағайындалды.Ш.Оразалин 1969 жылы дүниеге келген. Ш.Уәлиханов атындағы Көкшетау мемлекеттік университетін, «Көкше» академиясын, А.Мырзахметов атындағы Көкшетау университетін бітірген.Еңбек жолын білім беру жүйесінде 1991 жылы Солтүстік Қазақстан облысы, Айыртау ауданы, Светлый ауылындағы Целинный орта мектебінде дене шынықтыру пәнінің мұғалімі болып бастады. 1994-2024 жылдары Ақмола облысы техникалық және кәсіптік, қосымша білім беру жүйесінде өндірістік оқыту шебері, директордың орынбасары, колледж директоры, Ақмола облысы Білім басқармасы басшысының орынбасары, басшысы болып жұмыс істеді.2024 жылдың тамыз айынан бастап «Балдәурен» Республикалық оқу-сауықтыру орталығы бас директорының оқу-тәрбие және сауықтыру жұмыстары жөніндегі орынбасары болды.