Bilim Media Group компаниясы жыл сайын 2015 жылдан бастап, білім беру саласында инфокоммуникациялық технологияларды дамытуға педагогтердің үлесін арттыру және тарату мақсатында педагогтарға арналған «Жаңашыл мұғалім» республикалық конкурсын өткізіп келеді.
2021-2022 оқу жылында байқауға 1000-нан астам мұғалім қатысты. Оның ішінде 549 педагог екінші турға өтті.
«Жаңашыл мұғалім-2021-2022» байқауының жеңімпаздарын сараптамалық комиссия анықтады, оның құрамына жетекші мамандар, педагогика шеберлері, сондай-ақ өткен жылдардағы байқаудың жеңімпаздары кірді. Құзыретті қазылар алқасы конкурстық жұмыстардың әдістемелік мазмұнын, идеяның өзіндік ерекшелігін, цифрлық ресурстарды қолданудың өзектілігі мен нәтижелілігін, сондай-ақ жалпы көріністілігін бағалады. Сарапшылар білім беру ресурстарын пайдаланудың, жаңа педагогикалық технологияларды қолданудың шеберлігі мен стандартты емес тәсіліне, сондай-ақ педагогтың оқушылармен өзара іс-қимыл жасау қабілетіне ерекше назар аударды.
Байқау қорытындысы бойынша тәуелсіз комиссия 4 аталым бойынша 5 жеңімпазды анықтады.
Алматы облысы, Талғар ауданы, Жаңалық ауылының, І. Жансүгіров атындағы №37 орта мектеп мұғалімі, Джабаева Айнұр Тынышбекқызы жеңіске жетті.
Мұғалім өз сабағында заманауи педагогикалық әдістерді шебер қолданды. Атап айтқанда, flipped classroom әдісін, мобильді оқыту әдісін, CLIL әдісін тиімді пайдаланды. Мұғалім сабақтың барлық кезеңдерін сақтай отырып, оқушылар мен мұғалім арасында қолайлы психологиялық ахуал қалыптастыра алды.
Өз сабағында Джабаева Айнұр цифрлық құзыреттілігін көрсетті. Сабақтардың бірізділігі сақталды, оқушылардың практикалық жұмысы, ұлттық құндылықтарды дәріптеу, түсірілім сапасы мен бейнені тиісті деңгейде өңдеу жасалған.
Қурмангалиев Алибек Амангелдіұлы, «№ 27 орта мектеп» ММ ағылшын тілі мұғалімі, Қостанай қ.
Алибек Амангелдіұлының сабағы пәндік-тілдік интеграцияны сақтай отырып, қызықты және өзекті тақырыпта, оқу дағдыларын дамыту бойынша оқыту мақсаттарына сәйкес өткізілді. Сабақ мақсаттарын мұғалім алдын-ала айтып өтті, содан кейін оқушылар тарапынан бағалау және рефлексия жасалды. Сабақта АКТ технологиялары, оқытудың белсенді әдістері шебер қолданылды. Сабақ барысында оқу сауаттылығын құрайтын үш негізгі оқу дағдылары кезең-кезеңімен ұйымдастырылған. Сонымен қатар, ақпарат көздерінің әртүрлілігі және мәтіндердің жанрлық әртүрлілігі оқу дағдыларын дамытуға ықпал етті. PISA деңгейлері арасында параллель көрсетілген. Мұғалімдерге оқушылардың функционалдық сауаттылығын дамыту үшін, өз сабақтары шеңберінде оқу мақсаттарын пысықтау жеткілікті, байқауға қатысушы осы әдісті тиімді көрсетті.
Матвеев Андрей Николаевич, «№ 26 Гимназия» КММ робототехника мұғалімі, Қарағанды облысы Жезқазған қаласы.
Андрей Николаевич өз жұмысында жобалық қызметте әртүрлі формалар мен заманауи тәсілдерді қолданды. Балалардың жұмыстары жаңашылдығымен ерекшеленеді, өмірде бұл жобалар практикалық қолданысқа ие. Мұғалім мен оқушылардың бірлескен жұмысының нәтижелері қазіргі өмірде өзекті. Динамикалық бейне сериясы бар презентацияның да сапасы жоғары деңгейде. Жобалық қызметке қатысушылар арасындағы ынтымақтастықтың жағымды атмосферасы сезіледі.
«Жаңартылған білім беру мазмұны жағдайында мектепке дейінгі тәрбие және оқыту» аталымы бойынша 2021-2022 оқу жылында жүлдені екі қатысушы арасында бөлу туралы шешім қабылданды.
Көкеева Гүлвира Серікбайқызы («№33 «Алтын дән» бөбекжайы» МКҚК, Нұр-сұлтан Қ.
Көкеева Гүлвира Серікбайқызы топтық жұмыс барысында балалардың коммуникативтік сөйлеу қабілеттерін, тілдік дағдыларын ашты. Мұғалім балалардың жас ерекшеліктерін ескерген. Топтық жұмыста балалар өздерінің ең жақсы қабілеттерін өз деңгейінде еркін көрсете алды. Бір сабақта оқытудың бірнеше тәсілдерін ұтымды үйлестіре білді, мақсатына толық қол жеткізді.
Мунгалова Татьяна Викторовна (Қостанай қ. «№44 бөбекжай-бақшасы» КМҚК, пән – дене шынықтыру).
Мунгалова Татьяна Викторовна практикалық бағытты көрсететін өзіндік формалар мен әдістерді қолданды. Сабақ барысында "Зообақ" ресурсын пайдалану идеясы тәрбиеленушілердің белсенділігін арттырды. Балалардың жұмысқа деген ынтасы мен қызығушылығы сабақ бойы сақталды. Сабақтың үзінділері логикалық түрде өзара байланысты. Тапсырмалар күрделене түсу тәртібімен берілді. Сабақтың барлық кезеңдері өзара байланысты болды, сабақтың тақырыбы мақсаттарына сай келеді, материалы балалардың жас ерекшеліктеріне сәйкес таңдалған. Нұсқаушы балаларды қозғалыс белсенділігін арттыру мақсатында жаттығулар жасау үшін ұйымдастырудың әртүрлі әдістерін қолданды (фронтальды, ағынды, топтық). Әр түрлі спорттық құралдарды, музыкалық сүйемелдеуді тиімді пайдалану жаттығуларды орындау кезінде балалардың эмоционалды жағдайы мен белсенділігін арттырды.
