Функционалдық сауаттылық қазіргі ақпараттық қоғамға жылдам бейімделіп, табысқа жету үшін қажетті, негізгі дағдылардың бірі. Бұл дағды тек дұрыс оқу мен жазуды ғана емес, сонымен бірге оқушылардың алған білімдерін нақты өмірлік жағдайларда қолдана білуін де қамтиды. Функционалдық сауаттылықты дамыту білім беру жүйесі үшін басымдыққа айналып отыр және бұл процесте мұғалімнің рөлі өте маңызды.
«Оқушылардың функционалдық сауаттылығын қалыптастыру және дамыту» номинациясы бойынша жеңімпаз жұмысына берілген сарапшы пікірі:
"Педагог оқушылардың оқу сауаттылығын дамыту аясында ұсынылған ағылшын тілі сабағында заманауи тәсілдердің алуан түрлілігін көрсетті. Сабақта оқушылар белсенділіктің, мотивацияның, өзара бағалаудың және рефлексия дағдыларының жоғары деңгейін көрсетті. Мұғалім сабақта цифрлық ресурстарды тиімді пайдаланып қана қоймай, ресурстың не үшін пайдаланылғанын да түсіндіріп өтті. Сабақта достық қарым-қатынас арқылы жағымды атмосфера қалыптасқан, мұғалімнің шығармашылық шеберлігі анық байқалады."
Жеңімпазды құттықтаймыз және бұл конкурстық жұмыс еліміздің әр өңіріндегі педагогтер мен мектептерге шабыт сыйлайды деп үміттенеміз.
Азирова Нургиза Сафаровна
Облысы, қаласы: Ұлытау облысы, Жезқазған қаласы
Мектебі: «БІЛІМ-ИННОВАЦИЯ №3» лицей-интернаты КММ
Пәні: ағылшын тілі
Сыныбы: 7
Сабақтың тақырыбы: «Гарри Поттер және философиялық тас» фантастикалық романындағы Present тобының шақтары»
Жұмыс тілі: ағылшын тілінде
Жүлдесі: жеңімпаз дипломы және 500 000 теңге
