Жаңашыл мұғалім 2021-2022
OnlineMektep платформасында авторизациядан өту немесе тіркелу үшін мына сілтемені басыңыз: https://login.bilimland.kz/login
Мақсаты
– педагогтердің білім беру саласындағы ақпараттық-коммуникациялық технологиялардың дамуына қосқан үлесін тану және тарату;
– педагогикалық инновацияларды қолдау және көтермелеу.
Байқауды өткізу тәртібі мен мерзімі
Байқау екі кезеңнен тұрады:
І кезеңнің жұмыстарын қабылдау: 22.10.2021 – 28.02.2022
ІІ кезеңнің жұмыстарын қабылдау: 03.03.2022 – 30.04.2022
Байқау шарттары
– Байқау жұмыстары байқау талаптарына сай болуға тиіс. Қалғанын (құрылымын, безендіру нысаны мен стилін) көздеген мақсатына қарай авторлар өзі шешеді.
– Байқаудың бірінші кезеңінен өте алмаған жұмыстар екінші кезеңге жіберілмейді.
– Байқауға қатыса отырып, қатысушылар «Bilim Land» компаниясына қатысушылардың суретін, байқауға жолдаған жұмыстарын (видео және мәтіндік материал) bilimland.kz сайтында және әлеуметтік желілерде толық немесе ішінара жариялауға рұқсат береді.
Байқаудың жүлде қоры
2 000 000 теңге
Байқауды ұйымдастыру
Байқау жұмыстарын тәуелсіз сараптама комиссиясы бағалайды.
Байқау жеңімпаздары дипломдармен марапатталып, ақшалай сыйлыққа ие болады:
– «Білім беруді цифрландыру аясындағы заманауи педагогикалық технологиялар» аталымы – 500 000 (бес жүз мың) теңге;
– «Оқушылардың функционалдық сауаттылығын қалыптастыру және дамыту» аталымы – 500 000 (бес жүз мың) теңге;
– «Цифрлық білім беру ортасы жағдайындағы оқушылардың жобалау қызметі» аталымы – 500 000 (бес жүз мың) теңге;
– «Жаңартылған білім беру мазмұны жағдайында мектепке дейінгі тәрбие беру және оқыту» аталымы – 500 000 (бес жүз мың) теңге.
Байқауға кімдер қатыса алады?
- Қазақстан азаматтары немесе ҚР аумағында жұмыс істейтін оқытушылар (тәрбиешілер, бейінді педагогика мамандары);
- Мектепке дейінгі білім беру ұйымдарында, бастауыш, негізгі орта, жалпы орта білім беру ұйымдарында кәсіби қызметін жүзеге асыратын педагогтер (орта мектептердің, гимназиялардың, лицейлердің, колледждердің практик-мұғалімдері, бөбекжайлардың, балабақшалар мен шағын орталықтардың педагог-қызметкерлері);
- Білім беру мекемелеріндегі сынып жетекшілері, тәлімгерлер мен тәрбиешілер.
Қатысушылардың педагогикалық еңбек өтілі 1 жылдан кем болмауға тиіс және бәрі де жұмыс орнынан берілген растайтын анықтаманың электрондық нұсқасын ұсынуға тиіс (анықтамасыз байқауға қатысу мүмкін емес).
*Байқау Қазақстан Республикасының аумағында ғана өтеді.
Байқау жұмыстарына қойылатын талаптар:
– сабақтың (сондай-ақ мектепке дейінгі мекемелерде ұйымдастырылған оқу қызметінің) жоспар-конспектілерін, сынып сағаттарының, сыныптан тыс іс-шаралардың әзірлемелерін, мерекелік іс-шаралар сценарийлерін жасаудағы әдістемелік сауаттылық;
– сабақ жоспарының (оның ішінде ұйымдастырылған оқу қызметінің) міндетті түрде жаңартылған мазмұндағы білім беру бағдарламасына және МЖМБС-ға сай болуы;
– жоспар-конспектілерді, сынып сағаттарының әзірлемелерін жасағанда bilimland.kz, onlinemektep.org, itest.kz, imektep.kz, twig-bilim.kz білім беру ресурстарының мультимедиалық материалдарын (бейнефильмдер, анимациялық презентация, мультимедиалық слайд-шоу, интерактивті жаттығулар, симуляторлар, диаграммалар, сызбалар, жұмыс парақтары және т. б.) пайдаланған жөн;
– практикада қолдануға жарамдылығы;
– жұмыстың сапалы безендірілуі;
– авторлық идеяның бірегейлігі;
– авторлық құқықтардың сақталуы (басқа авторлардың жұмысын толық немесе ішінара көшіруге тыйым салынады; плагиат жұмыс ұсынған қатысушылар байқаудан шеттетіледі);
– байқауда жеке адамның жұмысы бағаланатындықтан, сабақтың әзірлемесі БІР ғана авторға тиесілі болуға тиіс;
– екі (одан көп емес) қатысушы интеграцияланған сабақ, оқу-ойын қызметі және т. с. с. форматтағы байқау жұмысын ұсына алады. Мұндай жағдайда байқауға қатысу туралы өтінім беру мен жүлдені алуды ТЕК бір ғана жеке тұлға жүзеге асырады;
– әрбір қатысушы тек бір тілде, БІР АТАЛЫМ БОЙЫНША қатысып, БІР ғана жұмыс жібере алады.
Осы талаптарға сай келмейтін жұмыстар байқауға қатыстырылмайды.
Байқау жұмыстарын бағалау критерийлері
-
Өзектілігі. Берілген сабақта цифрлық ресурстардың орынды қолданылуы, оқушылардың, оның ішінде ерекше білім беру қажеттіліктері бар балалардың, денсаулығын сақтауға және нығайтуға бағытталуы. Оларды пайдаланудың өзектілігі мен бірегейлігі, сабақ мақсаттары мен міндеттеріне сәйкестігі. Белгілі бір ресурсты таңдаудың дәйектілігі (бұл сабақта неліктен дәл осы ресурс пайдаланылды, қосымша материалдардың, оқу құралдары мен нысандарының осындай үйлесімі таңдалды; осы ресурсты қолдану қалай жүзеге асты).
-
Педагогтің әдістемелік құзіреттілігі. Сабақ нысаны мен мазмұнының, әдіс-тәсілдердің қойған мақсаттарға және білім алушылардың жасына сай болуы, оқу құралдарын пайдаланудың нәтижелілігі. Оқу процесіндегі нысандардың, әдістердің, заманауи тәсілдердің әралуандығы, олардың жаңалығы әрі бірегейлігі. Репродуктивті және проблемалы оқыту нысандарын үйлестіру, білімді практикада қолдану.
-
Нәтижелілігі (байқаудың екінші кезеңі үшін). Сабаққа қатысқан оқушыларды уәждеу, олардың белсенділігі/енжарлығы, жеке-сараланған тәсілдерді белсенді түрде қолдану, білім алушылардың рефлекстік қызметі, оқушылардың (тәрбиеленушілердің) оқу материалын ұғынуы.
-
Көрнекілігі (байқаудың екінші кезеңі үшін). Видеотүсірілімнің сапасы мен безендірілуі, педагогтің өзін-өзі таныстыруы, сөзі, сабақ беру стилі, педагог пен оқушылардың бірге жұмыс істеуі. Сызбаларды, кестелерді, диаграммалар мен иллюстрацияларды пайдалану.
* Байқау ұйымдастырушыларының/демеушілерінің қосымша сыйлықтары да қарастырылған.
– Байқауды ұйымдастырушылар әр аталым бойынша 2 жеңімпазға дейін таңдау құқығына ие.
– Байқауға жіберілген материалдарға рецензия жазылмайды, қатысушыларға сараптама қорытындысы берілмейді.
– Байқауды ұйымдастырушылардың электрондық форматтағы сертификаттары байқаудың екінші кезеңіне өткен және байқаудың барлық талабына сай келетін жұмыс жолдаған қатысушыларға ғана беріледі.
Байқау жұмыстарын бағалау:
1-кезең: 01.03.22 – 02.03.22
2-кезең: 03.05.22 – 24.05.22
Байқау қорытындысы 2022 жылғы 25 мамырда www.bilimland.kz, bilimustaz.kz порталында және әлеуметтік желілерде жарияланады.
Жеңімпаздарды марапаттау және дипломдар мен жүлделерді табыстау 2022 жылғы 25 мамырда офлайн өтеді.
Аталымдар
1-кезең: Қатысу туралы өтінім – байқаудың бірінші кезеңінің жұмысы.
Қатысу туралы өтінім – заманауи педагогикалық технологиялардың элементтері, мысалы:
– онлайн оқыту (синхронды/асинхронды онлайн-сабақтар);
– мобильді оқыту (дербес электрондық құрылғыларды пайдалана отырып оқыту);
– аралас оқыту, атап айтқанда модельдері: төңкерілген сынып, стансылар ротациясы;
– CLIL-пәндік-тілдік интеграцияланған оқыту (мектеп пәнін шет тілі арқылы оқу);
– геймификация қолданылған сабақтың/факультативтік сабақтың/сыныптан тыс шара әзірлемесінің Word форматындағы егжей-тегжейлі жоспары.
Ұсынымдар: bilimland.kz, onlinemektep.org, itest.kz, imektep.kz, twig-bilim.kz және т. б. ресурстарды қолдану. Жоспарда бір не бірнеше педагогикалық технологияны қолдануға болады, бұл ретте қандай технологиялар және не үшін қолданылғанын көрсету МАҢЫЗДЫ.
2-кезең: Байқауға қатысушының YouTube (youtube.com) парақшасында жарияланған видеоның сілтемесі.
Видеода (10 – 15 мин.) педагогтің өзі туралы, байқауға ұсынған жұмысында пайдаланылған заманауи педагогикалық технологиялар туралы әңгімесі (ең көбі 2 минут), сондай-ақ цифрлық құралдар арқылы жаңа педагогикалық технологиялар қолданылғанын көрсететін сабақтың/факультативтік сабақтың/сыныптан тыс шараның видеоүзіндісі қамтылуға тиіс.
– 1 және 2-кезеңнің жұмыстары бір-бірінен ерекшеленуі мүмкін, яғни байқауға қатысушы екінші кезеңде сабақтың/факультативтік сабақтың/сыныптан тыс шараның жалпы тұжырымдамасын қалауынша өзгертуге құқылы.
– Екі (одан көп емес) қатысушы интеграцияланған сабақ, оқу-ойын қызметі және т. с. с. форматтағы байқау жұмысын ұсына алады. Мұндай жағдайда байқауға қатысу туралы өтінім беру мен жүлдені алуды ТЕК бір ғана жеке тұлға жүзеге асырады.
1-кезең: Қатысу туралы өтінім – байқаудың бірінші кезеңінің жұмысы.
Қатысу туралы өтінім – өткізу кезінде педагог оқушылардың функционалдық сауаттылығын: математикалық сауаттылықты, оқу сауаттылығын, жаратылыстану-ғылыми сауаттылықты, қаржылық сауаттылықты, жаһандық құзыреттерді, цифрлық сауаттылықты және т. б. қалыптастыруға назар аударған сабақтың/факультативтік сабақтың Word форматындағы егжей-тегжейлі жоспары.
Ұсынымдар: bilimland.kz, onlinemektep.org, itest.kz, imektep.kz, twig-bilim.kz және т. б. ресурстарды қолдану.
2-кезең: Байқауға қатысушының YouTube (youtube.com) парақшасында жарияланған видеоның сілтемесі.
Видеода (10 – 15 мин.) педагогтің өзі туралы, педагогикалық қызметінде және байқауға ұсынған жұмысында оқушыларының функционалдық сауаттылығын қалыптастырудағы жұмысы туралы әңгімесі (ең көбі 2 минут), сондай-ақ оқушылардың функционалдық сауаттылығын қалыптастырудың өнімділігін қамтамасыз ету үшін арнайы белсенді, іс-әрекеттік, тұлғалық бағдарланған және дамытушы білім беретін технологиялар қолданылғанын көрсететін сабақтың/факультативтік сабақтың видеоүзіндісі қамтылуға тиіс. Видеоүзіндіде оқушыларға адам тіршілігінің әртүрлі саласында әрқилы міндеттерді шешу үшін мектепте алған білімін жедел әрі саналы түрде қолдануды үйрету процесін көрсету маңызды.
– 1 және 2-кезеңнің жұмыстары бір-бірінен ерекшеленуі мүмкін, яғни байқауға қатысушы екінші кезеңде сабақтың/факультативтік сабақтың жалпы тұжырымдамасын (қалауынша) өзгертуге құқылы.
1-кезең: Қатысу туралы өтінім – байқаудың бірінші кезеңінің жұмысы.
Қатысу туралы өтінім – Microsoft Word форматындағы (А4 форматында 20 бетке дейін) немесе PowerPoint презентациясындағы (10 слайдтан аспайтын) таңдалған жобалау жұмысының жоспары. Бұл аталымның мәні – оқушылардың цифрлық технологиялар пайдаланылған зерттеу және жобалық жұмыстары. Жобалық жұмыстың тақырыбы әртүрлі болуы мүмкін, оның өзектілігі ғылыми, әлеуметтік және практикалық маңызы тұрғысынан бағаланады.
Ұсынымдар: bilimland.kz, onlinemektep.org, itest.kz, imektep.kz, twig-bilim.kz және т. б. ресурстарды қолдану.
2-кезең: Байқауға қатысушының YouTube (youtube.com) парақшасында жарияланған видеоның сілтемесі.
Видеода (10 – 15 мин.) педагогтің өзі туралы, осы оқу жылында оқушы(-лар)мен жүргізген жобалау/зерттеу қызметі туралы әңгімесі (ең көбі 2 минут), сондай-ақ көпшілік алдында қорғаған видеоүзіндісі қамтылуға тиіс.
Жобалық жұмысты қорғау дегеніміз жұмыстың өзектілігін, мақсаттарын, әдістерін, жұмыс кезеңдерін және негізгі нәтижелерін көрсететін жария презентацияны білдіреді. Бұдан бөлек, видеоүзіндіде жобамен жұмыс істеу барысында педагогтің өз білімі мен тәжірибесін, сондай-ақ үйренген құзыреттілігін қолданғанын көрсету маңызды.
– Байқауға жұмысты педагог ұсынады. Мұндай жағдайда байқауға қатысу туралы өтінім беру мен жүлдені алуды ТЕК бір ғана жеке тұлға жүзеге асырады.
1-кезең: Қатысу туралы өтінім – байқаудың бірінші кезеңінің жұмысы.
Қатысу туралы өтінім мемлекеттік немесе жеке меншік мекеменің мектепке дейінгі тобындағы немесе мектепалды даярлық сыныбындағы (оның ішінде түзету топтары мен сыныптарындағы) сабақтың кез келген кезеңіндегі (жаңа материалды енгізу, танымдық қызметке уәждеу, материалды жаңарту, бекіту, ойын, практикалық қызмет нысаны, рефлексия және т. б.) ұйымдастырылған оқу-ойын қызметінің Word форматындағы егжей-тегжейлі және құрылымдалған жоспар-конспектісі. Сабақтың әзірлемесі бірегей әрі мемлекеттік стандарттың талаптарына, ал ұйымдастырылған оқу (оқу-ойын) қызметі мектепке дейінгі білім беруді бағалау критерийлеріне сай болуға тиіс, атап айтқанда:
– балалардың, оның ішінде ерекше білім беру қажеттіліктері бар балалардың денсаулығын сақтауға және нығайтуға психологиялық-педагогикалық жағдайлар жасау;
– балалар оқу-ойын қызметінде қызығушылық танытатындай танымдық және әлеуметтік уәждер (мотив) қалыптастыру;
– креативті, сыни ойлауды, командада сәтті қарым-қатынас жасау, нәтижеге бағдарлану дағдыларын дамытуға, тәрбиелеу процесінің сапасының көрінісі ретінде рефлексияны ұйымдастыруға бағдарлану;
– педагогтің ойындарды, оның ішінде құрылымдалған ойынды, балалардың еркін ойындарын ұйымдастыруда жеке-сараланған тәсілді қолдануы.
Ұсынымдар: Вilimkids.kz платформасының ресурстарын және Bilim Kids Youtube арнасының материалдарын қолдану.
2-кезең: Байқауға қатысушының YouTube (youtube.com) парақшасында жарияланған видеоның сілтемесі.
Видеода (10 – 15 мин.) педагогтің өзі туралы, мектепке дейінгі білім беру мазмұнын жаңарту жағдайындағы тәрбиешінің рөлі туралы әңгімесі, сондай-ақ сабақтың видеоүзіндісі қамтылуға тиіс. Сабақтың видеоүзіндісі мектепке дейінгі мекеме тобында немесе мектепалды даярлық сыныбында оқу-ойын қызметін өткізудің жоғарыда аталған барлық талабына жауап беруге (1-кезеңді қараңыз), сондай-ақ байқау жұмыстарын бағалау критерийлеріне сай болуға тиіс.
– 1 және 2-кезеңнің жұмыстары бір-бірінен ерекшеленуі мүмкін, яғни байқауға қатысушы екінші кезеңде сабақтың жалпы тұжырымдамасын (қалауынша) өзгертуге құқылы.
«БАЙҚАУҒА ҚАТЫСЫП ЖАТЫРСЫЗ БА? - САБЫРҒА ШАҚЫРАМЫЗ»
«Эмоция дегеніміз - кеменің желкендерін үрлейтін жел.
Ол кемені қозғалысқа келтіре алады немесе оны суға батыруы мүмкін»
Вольтер
Эмоционалды шиеленісті жеңілдету, психикалық ахуалды реттеу әдістері
Байқау-бұл шығармашылық толқу, шабыт. Бұл тек қатты адамның өзі туралы мәлімдеме жасау мүмкіндігі ғана емес, сонымен қатар жаңалықтармен бөлісу қажеттілігі. Бұл ерекше әлем. Қарым-қатынас әлемі, бәсекелестік, сәттілік пен олжа. Байқау әрқашан толқу мен эмоциялардан тұрады. Байқаудағы сәттілік құпияларының бірі-өз толқуларыңызды жеңу. Ұсынылған әдістер мен жаттығулар сізге толқуды жеңуге көмектеседі. Релаксация әдістері дененің бұлшық еттерін босаңсытуға көмектеседі.
Релаксация қиялымдағы «Жұлдыз»
Релаксациялық ғарыштық музыка қойылады, шамдар сөнеді немесе перделер жабылады – ыңғайлы отырыңыз және көзіңізді жұмыңыз. Үш рет терең дем алып, деміңізді шығарыңыз... енді сіздің бас жағыңызда әдемі жұлдыз тұрғанын елестетіп көріңіз. Бұл сіздің жұлдызыңыз, ол Сізге тиесілі және сіздің бақытты екеніңіздің айғағы деп біліңіз. Өзіңізді осы жұлдыздың нұрымен, махаббат пен қуаныштың нұрымен жарықтандырғаныңызды елестетіп көріңіз. Енді қолыңызды алдымен жүрегіңізге, содан кейін тамағыңызға және маңдайыңызға қойыңыз. қолыңызды қойған жерлерде жарықтың жарқырағанын сезіңіз. Елестетіп көріңізші, сіз өзіңіздің жұлдызыңыз сияқты барлық бағытта айқын, жылы жарық сәулелерін шығарасыз және бұл жарық сіздің жаныңыздағы барлық адамдарға түседі. Енді өзіңізді тыңдаңыз. Сіз қандай да бір күшті сезімдерді сезінесіз бе? Бұл сезімдерді есте сақтаңыз және шаршап, жаңа күш пен өзіне деген сенімділік қажет болған жағдайда оларға жүгініңіз ал енді жұлдызбен қоштасып, қайта оралыңыз.
«5-4-3-2-1» әдісі
Бұл әдіс эмоциялық күйді шұғыл түрде жеңілдетудің тиімді әдістерінің бірі. Бұл сіздің миыңызды ғана емес, бүкіл денеңізді де осы процеске тартады. Сіз оны дауыстап та, ішіңізде де жасай аласыз.
- Айналаңызға қарап, дәл қазір көріп тұрған 5 нәрсені атаңыз.
- Оңай қол тигізуге және сезінуге болатын 4 нәрсені таңдап, атаңыз.
- Сіз еститін 3 нәрсені таңдаңыз, атаңыз
- Иісі арқылы сезінуге болатын тағы 2 нәрсені таңдаңыз.
- Дәмін татуға болатын 1 нәрсені табыңыз.
Бұл әдіс сіздің ойыңызды сергітеді және айналаңыздағы шынайы ортаға көңіліңізді бұруға көмектеседі. бірақ бірақ Мазасыздық дәрежесін тез төмендетеді және одан әрі эмоцияларыңызды қадағалауға мүмкіндік береді.
Тыныс алу жаттығулары
Терең және асықпай, толық тыныс алу стресс пен мазасыздық деңгейін төмендетуі мүмкін. Терең дем алып, дем шығару керек. Бұл жаттығуды тыныс алу қалыпқа келгенше және қалыпты дәрежеге жеткенше бірнеше рет жасаңыз. Байқау алдындағы қорқыныш пен толқудың кезінде мұндай әдіс көмектесе алады: қысқа,терең тыныс + үш қысқа, терең дем шығару. Әр түрлі нұсқаларды қолданып көріңіз және өзіңіздің «тыныс алу формуласын» табыңыз. Баяу және терең тыныс алғанда, ми әлдеқайда көп оттегін алады және парасимпатикалық жүйке жүйесінің жұмысын белсендіреді (тыныштандыру процестеріне жауап береді). Бұл жүрек соғу жиілігін төмендетеді, қысымды қалыпқа келтіреді және сізге тыныштық пен релаксация сезімін береді. Маңызды: бұл жаттығуды сізді ештеңе алаңдатпайтын тыныш ортада жасауға тырысыңыз.
